Zer da eta helburua

Osasunkume osasunerako heziketa bultzatzen duen programa bat da. Programa honekin dimentsio hirukoitzean (bio-psiko-sozialean) osasuna zaintzeko interesa piztu nahi dugu Lehen Hezkuntzako (6-11 urte bitartekoak) haurrengan.

Gure helburua: Neska-mutikoen artean bizimodu osasungarriak sustatzea.

Edukiak

Osasunkumek 2 esparrutan banatutako 12 topikotan ardazten du heziketa-proposamena:

  • Bizitzarako trebetasunak: Honako 5 trebetasun hauek jorratzen dira: Auto-errespetua, Erronkei aurre egitea, Tentsioa kudeatzea, Harremanak izatea eta Erabakiak hartzea.
  • Ohitura osasungarriak: Honako 7 ohitura hauetan oinarritzen da: Automedikazioa, Alkohola, Tabakoa, Jarduera eta atsedena, Elikadura, Segurtasuna eta Higienea.

Ebaluazioa

Osasunkume 5 aldiz ebaluatu izan da (1992, 1995, 2001, 2002 eta 2011. urteetan), eta beti irakasleen eta ikasleen erantzun positiboa erakutsi du. Azken ebaluazioan, emaitzak honakoak izan ziren:

  • “Ikasleen parte-hartzea sustatzen den heziketa eredu berrietan txertatzen da.”
  • “Irakasleak asebetetzen ditu, programak duen xarma, hurbiltasuna, gaiaren ikuspuntu integrala, dinamismoa, gaurkotasuna eta erabiltzeko erraztasuna direla-eta."