Joko didaktikoen CDa. Ordenagailuko jokoak, pedagogia ludikoaren zerbitzura.
 |
| Irakaslearen gida | |
Ikasturte honetan, Osasunkume programak lehen hezkuntzako ikasleen bizitza-ohitura osasungarriak garatzeko aukera ematen die ikastetxeei, 13 joko didaktikoren bidez. Jokoekin lotutako gaiak birziklapena, elikadura eta genero-berdintasuna dira, besteak beste.
Jakina denez, OSASUNKUMEk Informazioaren Teknologien aldeko apustua egiten du, eta, ondorioz, gaur egun umeek bizi dituzten tresna eta eszenatoki berrietan proiektatu ditugu programako proposamen didaktikoak. Hori horrela, CD interaktibo honek zenbait joko hezitzaile ditu, eta, beraien bitartez, modu ludikoan, OSASUNKUMEren heziketa-proposamenek jorratzen dituzten gaiei lotutako ikasketak bultzatzen dira. Modu atseginean, adin txikikoak bizitza-estilo osasungarriaren garapenerako garrantzitsuak diren gaiekin ohitzen joatea da gure asmoa. Dakigunez, jolasen bitartez, ikasketak eraginkorragoak izaten dira, eta ohitura osasungarriak modu ludikoan aurkezten badira, ondoren, eguneroko bizitzan, umeek gauza dibertigarri gisa ikusiko dituzte ohitura horiek, eta modu naturalagoan barneratuko dituzte egunerokotasunean.
Beste alde batetik, zenbait egileren arabera, eskolako ohiko baliabide didaktikoen eta neska-mutikoek aisialdian erabiltzen dituzten baliabideen (bideojokoak eta abar) artean sekulako aldea dago, lehenengoen kalterako. Hori horrela, eskola espazio monotono gisa hartzen da, egungo bizitzako benetako erritmotik aparte dagoen gune gisa.
Ikasturte honetan heldu zaizuen materialaren bitartez, hutsune hori bete nahi da. Horretarako, ikasleentzat interesgarriak izango diren joko multimedia batzuk jarri ditugu irakasleen esku.
Hauek dira aipatutako jokoak eta bertan lantzen diren gaiak:
Izenburua |
Gaia |
Joko mota |
Zailtasuna |
|
1. Ke barik bizi |
Tabakoa |
Labirinto puzzlea |
Erraza/maila ertaina |
|
2. Alkoholik gabe |
Alkohola |
Tetrisa |
Erraza/maila ertaina |
|
3. Zeuk aukeratu |
Erronkei aurre egitea |
Martetarrak/Trebezia |
Maila ertaina |
|
4. Garbi jokatu |
Higienea |
Bikoteak asmatu |
Erraza |
|
5. Ez daude bi berdinak |
Autoestimua |
Diferentziak |
Erraza |
|
6. Lasterka egin eta kontatu |
Tentsioa kudeatzea |
Fotogramak ordenatzea |
Erraza/maila ertaina
|
|
7. Adedos? |
Erabakiak hartzea |
Fotogramak ordenatzea |
Erraza/maila ertaina |
|
8. Etxea gure kontua da |
Jarduera eta atsedena |
Objektuak bilatzea |
Erraza/maila ertaina |
|
9. Gogoan izateko uneak |
Estresari aurre egitea |
Espaziala |
Erraza |
|
10. Baietz heldu |
Bideko segurtasuna |
Trebezia |
Maila ertaina |
|
11. Koipe-bolen erasoa |
Elikadura |
“Martetarrak” |
Maila ertaina |
|
12. Korreziklatu |
Ingurumenaren higienea |
Sailkapenak egitea |
Maila ertaina |
|
13. Sergioren bihotza |
Elikadura |
Plataforma |
Maila ertaina |
CDarekin batera aurkezten den gidaliburu didaktikoak joko bakoitza eta bere balio didaktikoa ulertzen laguntzen du. Gidaliburu honi esker, irakasleek etekin pedagogikoa atera ahal izango diete jokoei, ikasleek modu ludikoan garatzen dituzten bitartean euren trebetasunak eta ezagutzak.
CDaren edukia zenbait hizkuntzatan aurkezten da, eta, ondorioz, euskarazko zein gaztelaniazko ikasketa-ereduetan lan egiten duten ikastetxeek tresna honen balio didaktikoa aprobetxatu ahal izango dute.
Erlazionatutako URL helbideak
www.edex.es
|
